Dapa rasa so lama noh kita nda ba tulis di ini blog. Sampe-sampe so ada bangke binatang di dalam sini dapa lia bekas pembantaian noh. Musti lapor polisi nih karena ini blog so jadi TKP, “Pak polisi tolong saya, blog saya banyak Bangke nyamuk”.
Akhirnya setelah semua bangke nyamuk so musnah,
Ni blog jadi lebeh dapa lia blog…
Ehm, oh iyo baru-baru ini kita bagunting rambut (yang dikepala) karna pesan orang tua. Padahal tu rambu kita so anggap kita pe anak sandiri. Eh, rambut kok dianggap anak, itulah dunia banyak cinta yang tidak dapat di jelaskan. Jadi salon yang beruntung karna boleh mo gunting kita pe rambu adalah Salon SURAM*DU depe tampa di rei-rei toko Borobudur Tuminting, ini salon menjadi pilihan for mo gunting kita pe rambu karna usul dari banya orang, kita lei tambah tertarik karna ada menu gunting + pijat hanya 15 ribu (kesempatan langka).
Ternyata setelah 13,5 menit masuk ke dalam salon, hasilnya bekeng hati jadi rasa pedih, sesal, kecewa bahkan galau (kalo pikir-pikir ley ada rasa berak) , tambah lei pijatan yang kita impikan itu ternyata yang ba pijat adalah PRIA! Memang tambah bikin sakit, lahir deng batin lei. Langsung
Pamer rambu baru pun tak dapat terelakkan.
Ternyata hasilnya banyak orang bilang kalo kita mirip deng nazaruddin. Oh Tiddaaakkk…
Sampe ada tu orang bilang kalo nazaruddin so di Manado, memang asang skali kwa. Pe abis dapa hina deng cerca kita merenung sebenarnya apa yang bekeng kita jadi bagini, kita pe pikiran langsung terpusat pada Salon SURAM*DU. Kalo mo inga-inga waktu bagunting kita cuman babadiam terus tambah lei tu yang da bagunting mas-mas Jawa pasti dia pe guntingan nda jauh beda deng om nazar pe potongan.
Hikss…hiiiikksss…
For hadiah kita upload kit ape foto deng om nazar supaya lei for bukti kalo kita nda sama deng om nazar. Sekian dulu dan selamat menikmati penderitaan anda....
 |
| Hanya orang gila yang bilang mirip |
