Januari so amper stengah bulan, so nda dapa rasa tu tahun baru somo jadi lama. Mar nyanda ada salah toh kalo kita mo ucapkan
SELAMAT TAHUN BARU 1 JANUARI 2012
biar lei somo stengah bulan lewat. hehehhe....
Efek Desember pun mulai dapa rasa. Sumpah, kita riki kage lia ni puru. Yang kita pun sampe nyanda kanal deng bertanya-tanya, Kita pe puru ini?. Ternyata bulan desember ini sukses membawa efek brutal pa kita pe puru. Kukis mentega memang nikmat membawa sengsara.
Betewe, Bukang cuman ni puru lei kote yang so mem-brutal. Ternyata kita pe rambut (Rambut yang di kalapa. ehh, kapala. bukang rambut ketek ato yang laeng-laeng) yang halus dan lembut bagaikan sutra ini sudah mengembang menggila sampe-sampe kita sandiri so nintau kalo ini kita pe rambut. Ketidaksadaran ini lei bajangke pa orang-orang yang ada di sekitar.
Dorang yang dulu kanal pa kita, sekarang nyanda kanal. Baru...
Dorang yang dulu sayang pa kita, sekarang nyanda sayang. Sampe-sampe
Dorang yang dulu nyanda kanal pa kita, sekarang lei nyanda kanal pa kita. (Ya iyalah !!! Oma-oma ngesot, basalto-salto di panti jompo lei tau itu).
<><><><><>
hmmmm, Di tahun 2012 ini kita mo merubah kita pe diri, maksudnya bukang jadi betmen, supermen, apalagi spidermen. Mar kita mo mencoba supaya lebeh konsisten. Nyanda lagi jadi orang yang multy-task rupa dulu. So, selesaikan satu hal terlebih dahulu baru kemudian menyelesaikan yang lainnya.
Karna memang tahun lalu kita banyak kewalahan gara-gara sistem Multy-task begono. Ato depe kata gaul sistem kebut semalam. Sebenarnya sih nyanda masalah kalo deng ni sistem ini, mar setelah menerima penelitian berdasarkan fakta di lapangan bola kaki. tunggu,, Lapangan bola kaki ato lapangan terabang ehh? Yang pasti lapangan, kalo sistem ini banyak bekeng orang kecewa, tambah lei bekeng siksa diri. Io toh?
