SELAMAT HARI NATAL SEMUANYAAA....

Walaupun sudah lewat ijinkanlah saya ucapkan SELAMAT HARI NATAL 25 DESEMBER 2011 bagi semuanya. Moga-moga jo torang samua lebih jadi berkat bagi orang lain setelah perayaan natal ini.

<><><><><><>

Ini so ke-18 kali kita merayakan natal walaupun beberapa tahun awal kita masih blum tau dunia, namun natal kali ini beda depe rasa deng natal-natal sebelumnya. Kita banyak bersyukur di perayaan natal kali ini.

Pertama, Kasih Tuhan yang tak terhinggalah sehingga kita masih boleh mo rasa ni natal tahun 2011 ini. Dan kita sangat bersyukur dengan kasih Tuhan ini.

Kedua, di natal kali ini torang satu keluarga boleh takumpul sama-sama. Meskipun natla-natal sebelumnya torang samua leh boleh takumpul, mar tetap rasa beda dengan tahun-tahun sebelumnya. Karna gara-gara dorang sampe-sampe kita pe bibi boleh pica (Resiko jadi anak bungsu, slalu jadi korban T.T)

Ketiga, kita pe tamang-tamang SD (kita skolah di SD RK 09 MANADO, kalo suka tau, mar kalo nimau nnti qt hapus) masih boleh takumpul sama-sama, biarleh yang takumpul cuman 4 , 5 orang so boleh 9 orang itu toh. Beda deng qt p tamang-tamang SMP-SMA yang sampe skarang masih berkutat dengan rencana reuni yang nda jelas. Mar kita optimis klo torang pe reuni mo jadi, mar nda talalu yakin lei.

Keempat, Ini natal pertama yang kita lalui tanpa tau kita pe nilai kuliah bagus ato nda, jadi masih deg-degan batunggu kabar yang nda jelas. Syukur deh jadi nda mo dapa veto kalo dapa IP 1,.... mar semoga sih dapa 3,.... biarpun hanya di andaikan saja..,

So pasti kita bersyukur skali atas semuanya, termasuk lei tu pica bibir tambah lei tu makanan di rumah pidis-pidis Forsa memang....  
Thank's God for These Things.

<><><><><>

Eniwei, sekali lagi kita mengucapkan SELAMAT HARI NATAL 25 DESEMBER 2011 dan juga selamat menyongsong TAHUN BARU 1 JANUARI 2012.

NB: nama yang digunakan semata-mata hanya lah sebuah rekayasa, tidak ada maksud apa-apa. Jadi maaf saja kalau memiliki nama yang sama dengan tokoh.

Desember beraksii...

oh gillaaa,,, nyanda dapa rasa so bulan Desember, deng so nyanda dapa rasa le kalo kita so lama nda jaga buka ni blog kasiang... Sampe-sampe pas tadi kita buka so ada transmigran gelap so bekeng rumah tinggal di sini. memang kacau ni Indonesia saking susahnya orang-orang lari ke dunia maya...

Saya mohon maafkanlah saya blogger yang tak tahu diri yang sudah menghilang selama dua bulan ini. Depe alasan karna kita sementara mencari cinta, mengembara kesana kemari memburu anak perawan orang. Mar soe dua bulan ini sia-sia saja karna dia lebe pilih baku tamang jo kata. hiksss..hikss....

Eniwei, kabar gembira datang dari dunia pendidikan dimana kita sekarang so selesai ujian Semester 3. Walaupun depe hasil ujian blum kaluar, tetap kita merasa puas karna ni Semester 3 boleh selesai. Semoga jo nda ada tu mata kuliah yang dapa C ato D, deng kalo boleh dapa A samua jo. Amiinnn. Oh iyo selama ujian ini kote kita selalu berusaha semaksimal mungkin for mo bajawab soal, biar pun cuman Hukum Ketenagakerjaan yang kita kerja sejujur mungkin.

oke tinggalkan semua urusan kuliah. Ada pepatah Mongolia yang berkata "yang lalu biarkanlah berlalu, hadapilah masa depan" kalo depe kata gaul MOVE ON. hahhahaha....

Sama deng kita bilang tadi sekarang bulan Desember, jadi sekarang saatnya bergembira. Natal dan Tahun Baru so dekat, padahal kalo mo pikir-pikir tu tanggal 1 Januari 2011 blum lama da lewat. Itulah makanya tadi kita bilang kalo dijalani dengan gembira tak terasa waktu yang terlewat (apalagi kalo makan silverqu*en).

Sekian deh untuk hari ini. Oh iyo kote, amper lupa. kita cuman mo bilang "Selamat menyongsong Hari Natal bagi yang merayakannya dan Selamat menyongsong Tahun Baru bagi yang merayakannya juga".